مامە ڤاندام: داوا دەکەم خەڵک دەنگ بەو لایەنە بدات کە خزمەتی خەڵکی کوردستان دەکات

ئاڤا نیوز

مامە ڤاندام، کەسایەتی دیاری سۆشیال میدیا، داوا لە هەوادارانی دەکات بەشداری هەڵبژاردن بکەن و دەنگ بدەن بەو لایەنەی خزمەتی خەڵک دەکات.

وێنە گەورەکە: 11ـی ئەم مانگە هەڵبژاردنی پەرلەمانی عێراق بەڕێوەدەچێت، زیاتر لە 21 ملیۆن و 404 هەزار کەس کارتی بایۆمەتری دەنگدانی وەرگرتووەتەوە و دەتوانێت دەنگ بدات، لەو ژمارەیە زیاتر لە شەش ملیۆن و 77 هەزار کەسیان لە پارێزگاکانی (نەینەوا، دهۆک، کەرکووک، هەولێر، سلێمانی)ـین، زۆرترین دەنگی لایەن کوردییەکان لەو پێنج پارێزگایەن.

لێدوانی فەرمی: مامە ڤاندام، کەسیاتی دیاری سۆشیال میدیا، بە ئاڤا میدیای گوت: داوا لە هەوادارانم دەکەم بەشداری هەڵبژاردن بکەن و دەنگ بدەن، چونکە دەنگدان مافی خۆیانە و با نەیفەوتێنن. بەشداریکردن لە هەڵبژاردن و دەنگدان بۆ کوردە، چەند ڕێژەی بەشداریکردن زیاتر بێت، ڕێژەی کورد زیاتر دەبێت. داواش دەکەم خەڵک دەنگ بەو لایەنە بدات کە خزمەت دەکات.