تەلەڤزیۆنی فەرمیی ئێران: کۆبوونەوەی ئەمریکا و ئێران کاتژمێرێک دوادەکەوێت؛ واشنتن هۆشداریی دەدات

ئاڤا نیوز

عەباس عێراقچی، وەزیری دەرەوەی ئێران بەر لە کۆبوونەوەی لەگەڵ ئەمریکا ڕایگەیاند: ئەوەی ساڵی ڕابردوو ڕووی دا لە یادمانە و بە چاوی کراوەوە دەست پێ دەکەین، هاوکات واشنتن فەرمانی بە هاووڵاتییانی دا بەپەلە خاکی ئێران جێبهێڵن.

لێدوانی فەرمی: عەباس عێراقچی، وەزیری دەرەوەی ئێران ڕایگەیاند: بە بڕوایەکی چەسپاو و پابەندبوون بە مافەکانمانەوە دەچینە ناو دانوستانەکان، ئەوەی ساڵی ڕابردوو ڕووی دا لە یادمانە و بە چاوی کراوەوە دەست پێ دەکەین."

هاوکات سەرچاوەیەکی فەرمیی ئێرانی دەڵێت: "پێشبینیکردنی ئەنجامەکان قورسە، چونکە هیچ متمانەیەکمان بە واشنتن نییە."

بڵاوکراوەی فەرمی: تەلەڤزیۆنی فەرمیی ئێران بڵاویکردەوە، دانوستانەکانی مەسقەت لەگەڵ واشنتن ئەگەری هەیە تاوەکو کاتژمێر 11:00 دوا بکەوێت.

لەلایەکی دیکەوە: لە هەنگاوێکی کتوپڕدا، واشنتن داوای لەو ئەمریکییانە کردووە کە لە ڕێگەی وشکانییەوە بەرەو ئەرمینیا یان تورکیا بڕۆن و خاکی ئێران جێبهێڵن.