ژنێکی کورد بووە وەزیری بەرگریی هۆڵەندا

ئاڤا نیوز

دیلان یەشیلگۆز، سیاسەتمەداری کورد، وەک وەزیری بەرگری و جێگری سەرۆکوەزیرانی هۆڵەندا دەستبەکاربوو.

لێدوانی فەرمی: دیلان یەشیلگۆز، وەزیری نوێی بەرگری و جێگری سەرۆکوەزیرانی هۆڵەندا ڕایگەیاند: جێگەی شانازییەکی گەورەیە وەک وەزیری بەرگری دەستبەکار دەبم بۆ پاراستنی ئازادی و ئاسایشی وڵاتەکەمان؛ لەم قۆناغەدا کە دەبینین ئاسایش و ئازادی بەدەستنەهاتوون، کار بۆ بونیادنانی هۆڵەندایەکی بەهێز دەکەین کە بتوانێت ڕووبەڕووی هەڕەشەکانی ئێستا و داهاتوو ببێتەوە و پشت بە تواناکانی خۆی ببەستێت، هاوکات بەوپەڕی بەرپرسیارێتییەوە کار دەکەین بۆ پشتگیریکردنی ئەو ژن و پیاوانەی ڕۆژانە لە ناو هێزە چەکدارەکاندا بەرگری لە خاکی هۆڵەندا و ئازادیی ئێمە دەکەن.

زانیاریی فەرمی: یەشیلگۆز سەرۆکی پارتی گەل بۆ ئازادی و دیموکراسی (VVD)ـیە و ئێستا سەرپەرشتیاری تەواوی هێزە چەکدارەکان و سیاسەتی بەرگریی نیشتمانیی هۆڵەندایە.

زانیاریی زیاتر: دیلان یەشیلگۆز لە 1977 لە باکووری کوردستان لەدایکبووە. لە سەرەتای هەشتاکانی سەدەی ڕابردوو بەهۆی فشارە سیاسییەکانەوە لەگەڵ خێزانەکەی بەرەو هۆڵەندا کۆچیان کردووە. بڕوانامەی ماستەری لە زانستە کۆمەڵایەتی و کولتوورییەکان لە زانکۆی ئەمستەردام (Vrije Universiteit) بەدەستهێناوە.