ئاڤای خەڵک؛ بۆنی غاز هاووڵاتیانی شارەزووری هەراسان کردووە

ئاڤا نیوز

ژمارەیەک هاووڵاتی لە قەزای شارەزوورەوە داوا دەکەن چارەسەرێک بۆ دووکەڵی پیسی و بۆنی غازی کارگەکانی سنوورەکە بکرێت.

زانیاریی بەدەستهاتوو: دانیشتووانی قەزای شارەزوور بە ئاڤایان وت، بەدەست دووکەڵی ڕەش و بۆنی ناخۆشی غاز و ڕۆنی سووتاوی کارگەکانی عەربەتەوە ژیانمان نەماوە، شەوانە کارگەکان فلتەرەکانیان لێ دەکەنەوە و دووکەڵەکە بەسەر خەڵکدا دەکەن و زیانێکی زۆری تەندروستی لێداوین.

لێدوانی فەرمی: فازیل عومەر، بەرێوەبەری ناحیەی عەربەت لەبارەی کێشەکەوە بە ئاڤای وت، ئاگاداری بابەتەکەین، سکاڵای خەڵک گەیشتووەتە لامان، لیژنەیەکمان لە بەرێوەبەرایەتی ژینگە و ناحیەی عەربەت پێکهێناوە و بەدواداچوون بۆ بابەتەکە دەکەین، هەر کارگەیەک فلتەری نەبێت یان لێی بکاتەوە بە داخستن یان پێبژاردن سزا دەدرێت و چاوپۆشی لە کەس ناکەین.