تێلێگرام سیاسەتەکانی دەگۆڕێت و منداڵان دەپارێزێت

ئاڤا نیوز

 

دوای چەند ساڵ لە خۆدوورگرتن، سەرەنجام ئەپڵیکەیشنی تێلێگرام بڕیاری دا بچێتە ناو ئەو پڕۆژانەوە کە منداڵان لە بڵاوکراوە سێکسییەکان دەپارێزن.

چیرۆکی سەرەکی: بۆ ئەمەش ئەپلیکەیشنی تێلیگرام لەگەڵ دامەزراوەی چاودێریی ئینتەرنێت (IWF) بۆ ڕێگریکردن لە بڵاوبوونەوەی بابەتی مامەڵەی سێکسییانە لەگەڵ منداڵان، هاوکاری دەکات. 

 

زانیاریی زیاتر: زۆربەی پلاتفۆرمەکان لەگەڵ ئەم دامەزراوەیە هاوکاری دەکەن و سوود لەو خزمەتگوزارییانە دەبینن کە دامەزراوەکە پێشکەشی دەکات.

 

ئەوەی پێویستە بیزانیت: ئەم هەنگاوی تێلێگرام چوار مانگ دوای دەستگیرکردنی پاڤێڵ دوروڤ، دامەزرێنەری تێلێگرام دێت، کە لە فڕۆکەخانەیەکی پاریس دەستگیر کرا و تۆمەتی خۆدزینەوە لە ڕێگریکردن لە بڵاوبوونەوەی بابەتی مامەڵەی سێکسیانەی لەگەڵ منداڵان لە تێلێگرام، ئاراستە کرا.

 

ئەمەش بزانە: تێلیگرام نزیکەی 950 ملیۆن بەکاربەری لە سەرتاسەری جیهاندا هەیە و  جەخت لەسەر پاراستنی تایبەتمەندیی بەکاربەرانی دەکاتەوە،

 

ئەوەی لەباریەوە دەگوترێت: ئەپلیکەیشنی تێلیگرام تۆمەتبار دەکرێت بەوەی تاوانکاران بۆ قاچاخیی ماددەی هۆشبەر، تاوانی ئەلکترۆنی، ساختەکاری و مامەڵەی سێکسییانە لەگەل منداڵان سوودی لێدەبینن.