لە عێراق و یەمەنەوە هێرش دەکرێتە سەر ئیسرائیل

ئاڤا نیوز

 

ڕێبەری حوسییەکانی یەمەن، ئۆپەراسیۆنێکی هاوبەشی لەگەڵ مقاوەمەی ئیسلامی لە عێراق دژی ئیسرائیل ڕاگەیاند.

 

وێنە گەورەکە: دوای دوو مانگ لە شەڕی سەرتاسەری نێوان ئیسرائیل و حزبوڵڵای لوبنانی، ڕێککەوتنی ئاگربەست بە نێوەندگیری ئەمریکا و فەرەنسا ڕاگەیێنرا، بەرپرسانی ئیسرائیلیش چەکدارانی عێراق و یەمەن تۆمەتبار دەکەن بە پاڵپشتیکردن لە  حەماس و ئاگربەستیان لەگەڵ ناکەن.

 

لێدوانی فەرمی: عەبدولمەلیک حوسی، ڕێبەری حوسییەکانی یەمەن لە وتارێکی تەلەفزیۆنیدا ڕایگەیاند:  "بە هاوکاری بەرەی مقاوەمەی ئیسلامی لە عێراق ئۆپەراسیۆنێکی هاوبەشیان لەڕێگەی موشەک و فڕۆکەی بێ فڕۆکەوانەوە  بۆ سەر یافا، ئەشدۆد و ئەشقەلۆنی لەئیسرائیل  ئەنجامداوە".

 

عەبدولمەلیک حوسی ئاماژەی بەوەشکرد، "ئەم هەفتەیە پێنج کەشتی ئەمریکامان لە کەنداوی عەدەن کردە ئامانج، دووانیان کەشتی جەنگی بوون".