مەزڵووم عەبدی: ڕێگە بە کەس نادەین دەسەڵاتەکانی بە ڕێگەیێکی نادادپەروەرانە بەکاربهێنێت

ئاڤا نیوز

 

مەزڵووم عەبدی، فەرماندەی گشتیی هێزەکانی سووریای دیموکرات جەخت لەوە دەكاتەوە، ڕێگە بە هیچ لایەنێک نادەن دەسەڵاتەکانی بە ڕێگەیەکی نادادپەروەرانە بەکاربهێنێت.

 

وێنە گەورەكە: هەسەدە و حکومەتی ڕاگوزەری دیمەشق، لەسەر بەڕێوەبردنی حەلەب و دێرەزۆر ڕێککەوتوون، گفتوگۆکان سەبارەت بە سەرێکانی-ش بەردەوامن کە لەساڵی 2019ـەوە لەژێر دەستی گرووپەکانی نزیک لە تورکیادایە.

 

پەیامی فەرمی: مەزڵوم عەبدی لە پەیامێکیدا بۆ خەڵکی ڕەققە، کە لە تۆڕی "ئێکس" بڵاویکردووەتەوە، دەڵێت، "پابەندن بە چارەسەرکردنی کێشەکان بە ڕێگەی ئاشتییانە، ڕێگە بە هیچ لایەنێک نادەن دەسەڵاتەکانی بە ڕێگەیەکی نادادپەروەرانە بەکاربهێنێت".

 

ئاماژەی بەوەشکردووە، "خەڵکی ڕەققە شایستەی ژیانێکی ئارامن و سەقامگیری ڕەققە لەپێشینەی كارەكانمانە، پاش ڕووخانی رژێمی تاوانباریش ڕێگە لەبەردەمیان کراوەیە بۆ ئەوەی کێشەکانیان لەسەر مێزی گفتوگۆ چارەسەر بکەن".

 

لەلایەکی دیکەوە: كەمال عاكف، وتەبێژی فەرمانگەی پەیوەندییە دەرەكییەكانی ئیدارەی خۆسەر ئەو قسەوباسانە ڕەتدەكاتەوە كە لەبارەی "ڕەشنووس یاخوود لێكتێگەیشتن" لەگەڵ دیمەشق بڵاوكراونەتەوە.