لیستی مووچەی مانگی یەک و میزان موراجەعەی مانگی 12 ڕەوانەی بەغدا دەکرێت

ئاڤا نیوز

حکومەتی هەرێمی کوردستان ئەمڕۆ لیستی مووچەی مانگی یەک و تەرازووی پێداچوونەوەی مانگی 12 بۆ بەغدا دەنێرێت، ئەوەش دوای چارەسەرکردنی گرفتێکی تەکنیکیی کە بووە هۆی دواکەوتنی پڕۆسەکە.

چیرۆکی سەرەکی: بەهۆی گرفتێکی تەکنیکی لیستی مووچەی مانگی یەکی مووچەخۆرانی هەرێمی کوردستان ڕەوانەی بەغدا نەکراوە، بریارە ئەمڕۆ لەڕێگەی تێمێکەوە ڕەوانەی بە‌‌غدا بکرێت.

زانیاریی تایبەت: سەرچاوەیەک لە وەزارەتی دارایی و ئابووریی هەرێمی کوردستان بە ئاڤای ڕاگەیاند، بڕیاربوو ئێوارەی دووشەممە لیستەکان بنێردرێن، بەڵام گرفتێکی تەکنیکیی ڕێگربوو، بۆیە بڕیاردرا ئەمڕۆ سێشەممە 27-01-2026 تیمێکی تایبەت لیستی مووچەی مانگی یەک و تەرازووی پێداچوونەوەی (میزان موراجەعە)ی مانگی 12ـی ساڵی ڕابردوو بگەیەننە وەزارەتی دارایی فیدراڵ.

٠ هاوکات وەزارەت جەخت دەکاتەوە کە بڕی 120 ملیار دیناری پشکی داهاتی نانەوتیی بەتەواویی ئامادە کراوە و هەر کاتێک بەغدا داوای بکات ڕەوانەی دەکەن، لە ئێستاشدا کارکردن لەسەر تەرازووی پێداچوونەوەی مانگی یەکی ئەمساڵ بە چڕیی بەردەوامە تاوەکو لە وادەی یاسایی خۆیدا تەواو بکرێت.