دۆلار و زێڕ ئاستێکی پێوانەیی تۆمار دەکەن

ئاڤا نیوز

نرخی دۆلار و زێڕ لە بازاڕەکانی هەرێمی کوردستان بەرزبوونەوەی بەرچاویان تۆمار کرد، بەجۆرێک 100 دۆلار گەیشتە 152,000 دینار و مسقاڵێک زێڕی عەیار 21ـیش ملیۆنێک و 100 هەزار دیناری تێپەڕاند.

ئەوەی پێویستە بیزانیت: ئێستا بەهای 100 دۆلار بەرامبەرە بە 152,000 دینار لە هەرێمی کوردستان، هاوکات مسقاڵێک زێڕی عەیار 21 گەیشتە 1,101,000 دینار.

زانیاریی زیاتر: چەندین هۆکاری جیهانیی لەپشت ئەم هەڵکشانە خێرایەی نرخەکانەوەن؛ بڕیاری چاوەڕوانکراوی ئەمریکا بۆ دابەزاندنی ڕێژەی سوو لەم هەفتەیەدا یەکێکە لە پاڵنەرە سەرەکییەکان، هاوکات ئاڵۆزییە سەربازییەکانی وەک پرسی خیانەت لەناو سوپای چین و کێشەکانی نێوان ئەمریکا و گرینلاند و بەردەوامیی جەنگی ڕووسیا و ئۆکرانیا، دڵەڕاوکێی زۆریان لە بازاڕە نێودەوڵەتییەکاندا دروستکردووە.