عێراق لە ڕیزبەندی زۆرترین شوێنەوارە تۆمارکراوەکانی یونسکۆ پلەی 65ـی هەیە

ئاڤا دیجیتاڵ

 

عێراق لە ڕیزبەندی 65ـەمین وڵاتانی جیهان دایە، کە زۆرترین شوێنەواری تۆمارکراون لە یونسکۆدا و عێراق تەنها شەش شوێنی تۆمارکراوی هەیە.

 

بۆچی گرنگە؟ عێراق لە پێگەیەکدا دێت کە دەتوانرێت بە دواکەوتوو وەسف بکرێت، لە لیستی ئەو وڵاتانەی کە خاوەنی زۆرترین شوێنەوارن و لە یونسکۆدا تۆمارکراون، بەهۆی ژمارەی ئەو شوێنەوارانەی کە خاوەنییەتی بە بەراورد بە ژمارەی ئەو شوێنەوارانەی کە لەسەر میراتی جیهانی تۆمارکراون، بەپێی نوێترین ئامار لەنێو 168 وڵاتی جیهاندا عێراق پلەی 65 گرتووە.

 

"عێراق شەش شوێنەواری تۆمارکراوی لە یونسکۆدا هەیە"

 

ژمارەی ئەو شوێنانەی عێراق کە لە لیستی میراتی یونسکۆدا تۆمار کراون تەنها شەش شوێنە، لەکاتێکدا عێراق 150 هەزار شوێنەواری هەیە، بەگوێرەی دەستەی گەشتوگوزار و شوێنەواری عێراقی.

 

نزیکتر: قەڵای هەولێر، قەڵای شرگات، شاری دێرینی سامەڕا، پەناگەی دێرینی شوێنەوارییەکانی شارەکانی میزۆپۆتامیا ناوچەیەکی جوگرافییە لەنێوان دوو ڕووباری دیجلە و فورات، شانشینی حەزر یان شانشینی عەرەبی کە یەکێک بوو لە کۆنترین شانشینی عەرەبی لە عێراق لەسەر نیمچە دوورگەی فورات و شوێنەوارەکانی بابل، لەو شەش شوێنانەن کە یونسکۆ تۆماری کردوون.

 

کێ یەکەمە؟: ئەو وڵاتەی کە زۆرترین ناوچەی شوێنەواریی لە لیستی یونسکۆدا تۆمارکراوە، ئیتاڵیایە، کە ٥٩ شوێنی تۆمارکراوە، لە دوای ئەویش چین، ئەڵمانیا، فەرەنسا، ئیسپانیا، هیندستان، مەکسیک، بەریتانیا، ڕووسیا و ئێران، وەک 10 وڵات کە زۆرترین میراتی تۆمارکراویان هەیە.