ئەمریکا بنکەیەک لە کۆبانێ دەکاتەوە

ئاڤا نیوز

 

هاوپەیمانی نێودەوڵەتی بەسەرۆکایەتیی ئەمریکا، دەستی بە هەنگاوەکان کرد بۆ دامەزراندنی بنکەیەکی سەربازیی لە ناوەندی شاری کۆبانی لە باکووری سووریا.

 

زانیاریی بەدەستهاتوو: ئاژانسی نۆرس پرێس بڵاویکردۆتەوە، چەند بارهەڵگرێک کە چەندین کەلوپەلی بیناسازیی وەک، بلۆک و چیمەنتۆیان هەڵگرتبوو، هاتوونەتە ناوەندیی شاری کۆبانی بەمەبەستی دروستکردنی بنکەیەکی سەربازیی ئەمریکی.

 
ئەوەی پێویستە بیزانیت: بەگوێرەی زانیارییەکان هۆتێلی "کێنێم" لە ناوەندی شاری کۆبانی کە دواتر کرا بە خانووی خوێندکاران، دەبێتە بنکەی هاوپەیمانی نێودەوڵەتی لە داهاتوودا.

 

باکگراوند: لە کۆتاییەکانی ساڵی 2019 هێزەکانی ئەمریکا لە ناوچەی کۆبانی کشانەوە، ئەمەش بەهۆی ئەوەی تورکیا ئۆپەراسیۆنێکی سەربازیی لە هەندێک ناوچەی شارەکە دەستپێکرد.