درێژترین داخستنی حکومەت لە مێژووی ئەمریکادا کۆتایی هات

ئاڤا نیوز

دوای 43 ڕۆژ لە داخستنی حکومەتی ئەمریکا، دواجار سەرۆکی وڵاتەکە کۆتاییهاتنی داخستنی حکومەتەکەی ڕاگەیاند، کە زیانێکی زۆری بۆ سەرجەم بووە کەرتە ئابوورییە گرنگەکان لە سەرتاسەری وڵاتدا هەبووە.

چیڕۆکی سەرەکی: لە 1-10-2025 بەهۆی ناکۆکیی نێوان کۆماری و دیموکراتەکان لەسەر پەسەندکردنی پڕۆژەیاسایی بودجە حکومەتی ئەمریکا داخرا و بەهۆی ئەم داخستنەوە وڵاتەکە نەیدەتوانی مووچەی فەرمانبەرانی دابین بکات، ئەمەش کاریگەریی لەسەر سەرجەم سێکتەرەکانی وڵاتەکە کردووە و بەتایبەت گەشتە ئاسمانییەکانی ئەمریکا بە ڕێژەیەکی بەرچاو دابەزیبوو.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، بە واژۆکردنی یاساکە، ئێستا حکومەتی فیدراڵی دەست بە کارە ئاساییەکانی دەکاتەوە، هاوکات وتیشی پەیامێکی ڕوون بۆ دیموکراتەکان دەنێرین کە هەرگیز کۆڵ نادەین، ئەوان زیانێکی بەرچاویان بە ئابووری ئەمریکا گەیاندووە، گەلی ئەمریکاش لەبیری ناچێت کە دیموکراتەکان چییان بە ئابووری وڵاتەکەمان کردووە.

ئەمەش بزانە: ئەمە بە درێژترین ماوەی داخرانی حکومەت لە مێژووی ئەمریکادا دادەنرێت.