داوا دەکرێت هۆشداریی تووشبوون بە شێرپەنجە لەسەر خوارنەوە کحولییەکان دابنرێت

ئاڤا نیوز

 

پزیشکێکی باڵای ئەمریکی داوا دەکات هاوشێوەی بەرگی پێشەوەی پاکەتی جگەرە، هۆشداریی شێرپەنجە لەسەر خواردنەوە کحولییەکانیش بدرێت و خەڵک لە مەترسییەکانی ئاگادار بکرێتەوە.

 

زانیاری بەدەستهاتوو: ساڵانە لە سەرانسەری جیهاندا سەدان هەزار حاڵەتی تووشبوون بە شێرپەنجە بەهۆی خواردنەوە کحولییەکان تۆمار دەکرێت، بەهۆیەوە داوا دەکرێت کە هۆشداریی شێرپەنجە لەسەر ئەم خواردنەوەیەوە هاوشێوەی جگەرە دابنرێت.

 

لێدوانی فەرمی: ڤیڤێک مورتی، بەرپرسی سەرەکی پزیشکی ئەمریکا ڕایگەیاند:" پێویستە هۆشداریی سەبارەت بە مەترسییەکانی خواردنەوە کحولییەکان بەهێزتر بکرێت، چونکە زۆربەی ئەمریکییەکان ئاگاداریی ئەم مەترسییە نین کە ئەم خواردنەوە ساڵانە دەبێتە هۆی تۆمارکردنی 100 هەزار حاڵەتی شێرپەنجە و 20 هەزار حاڵەتی مردن.

 

ئەوەی پێویستە بیزانیت: خواردنەوە کحولییەکان دەبنە هۆی تووشبوون بە حەوت جۆری جیاوازی شێرپەنجە کە ئەوانیش: شێرپەنجەی مەمک لە ئافرەتان، شێرپەنجەی قوڕگ و جگەر و سورێنچک و دەم و قۆڵۆن.

 

ئەمەش بزانە: ئێرلەندا یەکەم وڵاتە لە جیهاندا کە هۆشداریی تووشبوون بە شێرپەنجەی لەسەر خواردنەوە کحولییەکان داناوە.