شێخ دارا: لە سەرەتای هەفتەی داهاتوو پلەکانی گەرما بەرز دەبنەوە

ئاڤا نیوز

 

شێخ دارا، پێشکەشکاری کەشوهەوا لە ئاڤا میدیا ڕایدەگەیێنێت: کاریگەریی هاتنی دوو شەپۆلی دەریای سپی ناوەڕاست و دەریای سوور لەسەر عێراق هەیە، بەڵام ئەمڕۆ پلەی گەرما بۆ پلەیەک بەرز بووەتەوە.

 

وێنە گەورەکە: ئەمرۆ یەکشەممە پلەی گەرما بۆ پلەیەک بەرز بووەتەوە و تاوەکو سەرەتای هەفتە پلەکانی گەرما لەسەر ناوچەکە نزمن، بەڵام لە سەرەتای هەفتە پلەکانی گەرما بەرز دەبنەوە و شەپۆلی بارانبارین دێتە ئاراوە.

 

لێدوانی فەرمی: شێخ دارا، شارەزا و پێشکەشکاری کەشوهەوا، لە گەشتی هەواڵەکانی کاتژمێر 07:00 ڕایگەیاند: لە زۆر شوێنی باشووری عێراق با، باران و هەورە تریشقەیە، هاوکات خۆڵبارینی لەگەڵە، بەرزترین پلەی گەرما لە هەشت بۆ 14 پلە تۆمار کراوە، هاوکات نزمترین لە سێ بۆ 10 پلە تۆمار کراوە.

 

زانیاریی زیاتر: ڕادەی شێ لە 70% تاوەکو 80%یە، جووڵە و ئاراستەی با لە باکووری عێراق 9 تا 10 کیلۆمەترە. هاوکات لە خوارووی عێراق لە 20 تا 35 کیلۆمەترە لە کاتژمێریکدا.

 

ئەوەی پێشبینی دەکرێت: بەپێی پێشبینییەکانی شێخ دارا، ئەگەری بارانبارین لە ناوچە شاخاوییەکانی هەرێمی کوردستان هەیە.