پڕۆژەی ئاوی قوشتەپە دەکرێتەوە؛ لە ڕۆژێکدا 72 هەزار مەتر سێجا ئاو دەپاڵێوێت

ئاڤا نیوز

 

بڕیارە ئەم هەفتەیە پرۆژەی ئاوی قوشتەپە بکرێتەوە کە لە ڕۆژێکدا 72 هەزار مەتر سێجا ئاو دەپاڵێوێت و 250 هەزار کەس لێی سوودمەند دەبن.

 

وێنە گەورەکە: پڕۆژەی ئاوی قوشتەپە کە لەسەر ئاوی زێی بچووک جێبەجێ دەکرێت، مانگی 9ـی ساڵی پار مەسرور بارزانی، سەرۆکوەزیرانی کوردستان بەردی بناغەی پڕۆژەکەی دانا، ئاو دەگەیێنێتە قەزای قوشتەپە و ناحیەی بێستانە و نزیکەی 80 گوندی دەوروبەری.

 

لێدوانی فەرمی: ئاری ئەحمەد، بەڕێوەبەری ئاو و ئاوەڕۆی هەرێمی کوردستان بە ئاڤای گوت، "بڕیارە لەنێوان ڕۆژی سێشەممە بۆ پێنجشەممە پڕۆژەکە بکرێتەوە و لە ڕۆژێکدا 72 هەزار مەتر سێجا ئاو دەپاڵێوێت و بەسەر دانیشتووانی سنوورەکە دابەش دەکرێت."

 

ئەوەی پێویستە بیزانیت: پڕۆژەی ئاوی قوشتەپە بە گوژمەی 222 ملیار دینار جێبەجێکراوە، پێکهاتووە لە ئینتەیک، دوو وێستگە، دوو خەزانی دابەشکردنی ئاو، وێستگەی کارەبا و  38 کیلۆمەتر بۆری تیرە 800 ملیم.