تەرمی دوو بارمتەی دیکە ڕادەستی ئیسرائیل دەکرێن

ئاڤا نیوز

لە درێژەی گەڕاندنەوەی تەرمی بارمتە ئیسرائیلییەکان، بزووتنەوەی حەماس دوو تەرمی دیکە ڕادەستی ئیسرائیل دەکات.

ڕاگەیێنراوی فەرمی: حکومەتی ئیسرائیل ڕایدەگەینێت، بزووتنەوەی حەماس تەرمی دوو بارمتەی دیکەی ڕادەستکردەوە،  بۆ پشکنین ڕەوانەی پزیشكی داد دەکرێن. 

ژمارەکان وادەڵێن: بەمەش ژمارەی ئەو تەرمانەی کە ئیسرائیل وەریان گرتووەتەوە گەیشتوونەتە 13 کەس.

 کاریگەری و لێکەوتەکان: دواکەوتن لە دۆزینەوە و ڕادەستکردنی تەرمەکانی بارمتە ئیسرائیلییەکان لە کەرتی غەززە نیگەرانی بۆ ئیسرائیل دروست کردووە، سەرۆکوەزیرانی ئیسرائیل دەڵێت، "جەنگی غەززەکە کاتێک کۆتایی دێت کە هەموو مەرجەکانی ڕێککەوتنەکە جێبەجێکران، گەڕانەوەی هەموو بارمتەکان، هەڵوەشاندنەوەی حەماس و داماڵینی چەک لە کەرتی غەززە".

زانیاریی زیاتر: بەپێی ڕێککەوتنی ئاگربەستی غەززە، ئیسرائیل دەبێت لە بەرامبەر هەر تەرمێکی بارمتەکان، تەرمی 15 فەلەستینی ڕادەست بکاتەوە، تاوەکو ئێستا نزیکەی 16 تەرمی بارمتەی دیکە ماوە کە چاوەڕوان دەکرێت ئیسرائیل وەریان بگرێتەوە.