ئیسرائیل بە مەرج دەروازەی سنووریی ڕەفەح لە غەززە دەکاتەوە

ئاڤا نیوز

ئیسرائیل بڕیاری داوە دەروازە سنوورییەکانی کەرتی غەززە بە داخراوی بهێڵێتەوە و ڕێگە بە چوونەژوورەوەی یارمەتییە مرۆییەکان نەدات.

 

هۆکارە زانراوەکان؛ حکومەتی ئیسرائیل ڕایگەیاندووە تا تەرمی هەموو بارمەتەکان نەگەڕێنرێنەوە دەروازەی ڕەفەح ناکاتەوە.

 

بۆچوونی لایەنی بەرامبەر؛ حەماس ئەم بڕیارەی حکومەتەکەی نەتانیاهۆ بە پێشێلی ئاشکرای ئاگربەستی غەززە ناو بردووە و دەڵێت: نیشانەی پابەندنەبوونی ئیسرائیلە بەو بەڵێنانەی کە بە نێوەندگیرەکانی داوە.

 

زانیاریی زیاتر: حەماس ڕایگەیاندووە تەرمی هەموو ئەو بارمتانەی کە لەبەردەست بوون ڕادەست کراونەتەوە و بۆ دۆزینەوەی تەرمەکانی دیکە پێویستیی بە کات و یارمەتی هەیە کە ئیسرائیل ڕێگەی بە گەیاندنی یارمەتییەکان نادات و ئەمەش دۆزینەوە تەرمەکان دوا دەخات.