قوباد تاڵەبانی پۆستێکی وەرزشی وەردەگرێت

ئاڤا نیوز

قوباد تاڵەبانی بە بەدەستهێنانی زۆرترین دەنگ بووە ئەندامی دەستەی کارگێڕیی یانەی سلێمانی و بڕیارە وەک سەرۆکی یانەکە دیاری بکرێت.

چیرۆکی سەرەکی: لە هەڵبژاردنی دوێنێی دەستەی کارگێڕیی یانەی سلێمانی کە تێیدا 9 کەس هەڵبژێردران، قوباد تاڵەبانی بە کۆکردنەوەی 79 دەنگ پلەی یەکەمی بەدەستهێنا. بڕیارە لە کۆبوونەوەی داهاتووی دەستەکەدا بە فەرمیی وەک سەرۆک بناسرێت، بەڵام بەپێی نەخشەڕێگەی نوێی یانەکە، ڕۆڵی ناوبراو زیاتر سیمبولیی و فەخریی دەبێت و سەرکەوت حەسەن ئەرکی بەڕێوەبردنی ڕۆژانەی یانەکە و بڕیارە مەیدانییەکان دەگرێتە ئەستۆ. هەروەها ئەیوب عەزیز وەک بەرپرسی دارایی دەستنیشان کراوە تاوەکو سەرپەرشتیی خەرجیی و داهاتەکانی یانەکە بکات لەم قۆناغە نوێیەدا کە ئامانج لێی بووژانەوەی یانەکەیە لە هەموو ڕووەکانەوە.

لێدوانی فەرمی: ژمارەیەک لە ئەستێرەکانی یانەکە بە ئاڤایان ڕاگەیاند: قوباد تاڵەبانی دەکرێتە سەرۆکی فەخریی و پشتیوانیی دارایی یانەکە دەکات، لە کاتێکدا سەرکەوت حەسەن وەک جێگری سەرۆک، تەواوی دەسەڵاتە کارگێڕییەکانی دەبێت و هاوشێوەی ڕابردوو کارەکان ڕادەپەڕێنێت."

باکگراوند: یانەی وەرزشیی سلێمانی یەکێکە لە یانە دێرین و جەماوەرییەکانی هەرێمی کوردستان و عێراق. لە ساڵانی ڕابردوودا بەهۆی کێشەی داراییەوە چەندین جار ڕووبەڕووی پاشەکشە بووەتەوە، هەر بۆیە پەنابردن بۆ سەرکردە سیاسییەکان وەک ڕێگەیەک بۆ بووژاندنەوەی دارایی و گەڕانەوەی بۆ خولە نایابەکان دەبینرێت.