حەکیم و خەزعەلی داوای خێراکردنی هەڵبژاردنی سەرۆککۆمار و پێکهێنانی حکومەت دەکەن

ئاڤا نیوز

عەممار حەکیم، سەرۆکی ڕەوتی حیکمەی نیشتمانی و قەیس خەزعەلی، ئەمینداری گشتیی بزووتنەوەی عەسائیبی ئەهلی حەق، لە دیدارێکدا جەختیان لە پێویستیی پابەندبوون بە وادە دەستوورییەکان و خێراکردنی پرۆسەی هەڵبژاردنی سەرۆککۆمار کردەوە.

ڕاگەیێراوی فەرمی: نووسینگەی ڕاگەیاندنی قەیس خەزعەلی بڵاوی کردەوە، ئەمینداری گشتیی بزووتنەوەکە لە نووسینگەی خۆی لە بەغدا پێشوازیی لە عەممار حەکیم کرد و لە دیدارێکدا دوایین پێشهاتەکان و بارودۆخی گشتیی وڵاتیان تاوتوێ کرد.

زانیاریی زیاتر: بەگوێرەی ڕاگەیەندراوەکە، هەردوولا جەختیان لەسەر گرنگیی ڕێزگرتن لە وادە دەستوورییەکان لە پرۆسەی پێکهێنانی حکومەتدا کردەوە، هاوکات داوایان کرد هەنگاوەکان بۆ هەڵبژاردنی سەرۆککۆمار خێراتر بکرێن.