وەزیری دەرەوەی سووریا پێشوازی لە شاندێکی ئەنجوومەنی نیشتمانیی کورد کرد

ئاڤا نیوز

ئەسعەد حەسەن شەیبانی، وەزیری دەرەوەی سووریا، لە دیمەشق پێشوازیی لە شاندێکی ئەنجوومەنی نیشتمانیی کورد (ئەنەکەسە) کرد و جەختیان لە یەکپارچەیی خاک و دابینکردنی مافی هاووڵاتیبوون بۆ کوردان کردەوە.

لێدوانی فەرمی: ئەسعەد حەسەن شەیبانی، وەزیری دەرەوەی سووریا ڕایگەیاند: مافی هاووڵاتییانی کورد لە چوارچێوەی پرەنسیپی هاووڵاتیبوونی یەکسان و پاراستنی تایبەتمەندییە کولتووریی و کۆمەڵایەتییەکانیان لەناو سووریایەکی یەکگرتوودا جێگیر دەکرێت.

زانیاریی زیاتر: لە کۆبوونەوەکەدا کە محەممەد ئیسماعیل، سەرۆکی ئەنەکەسە سەرپەرشتیی شاندەکەی دەکرد، هەردوولا جەختیان لە پاراستنی یەکپارچەیی و سەلامەتیی خاکی سووریا کردەوە.

لەلایەکی دیکەوە: شاندە کوردییەکە بە فەرمیی پێشوازیی لە مەرسوومی سەرۆکایەتیی ژمارە 13 کرد وەک هەنگاوێکی مێژوویی و گرنگ بۆ گەیشتنی کورد بە مافە ڕەواکانی. 


نوێ دەکرێتەوە...