چەند خۆپیشاندەرێک لەلایەن ئاسایشی سلێمانییەوە دەستگیر دەکرێن

ئاڤا نیوز 

 

دوای ئەوەی بەشێک لە خاوەن ئۆتۆمبێلە بێسەرەتاکان لە سلێمانی خۆپیشاندانیان دژی بڕیاری دەستبەسەراگرتنی ئۆتۆمبێلەکانیان کرد، ئاسایشی سلێمانی چەند خۆپیشاندەرێکی دەستگیر کرد.

 

چیرۆکی سەرەکی: ڕۆژی 7-1-2025، بەشێک لە خاوەنی ئۆتۆمبێلە بێسەرەتاکان و مەلیکە لە سلێمانی خۆپیشاندان و ناڕەزایەتیان، دژی بڕیاری دەستبەسەرداگرتنی ئۆتۆمبێلەکانیان کرد، دواتر بەوهۆیەوە ئاڵۆزی دروست بوو، بەگوێرەی زانیارییەکانی ئاڤا 15 خۆپیشاندەر لەلایەن ئاسایشی سلێمانییەوە دەستگیر کران.

 

لێدوانی فەرمی: سەرچاوەیەکی باڵا لە ئاسایشی سلێمانی، لەمبارەیەوە بە ئاڤا میدیای ڕاگەیاند: بە بڕیاری بەڕێز دادوەر بەگوێرەی ماددەی 10 لە یاسای خۆپیشاندان و بە تۆمەتی دروستکردنی ئاژاوە و بشێوی چەند کەسێک دەستگیر کران.

 

زانیاریی زیاتر: بە وتەی سەرچاوەکەی ئاسایشی سلێمانی؛ بەهۆی ئاڵۆزییەکانەوە چەند کارمەندێکی چالاکی مەدەنی بریندار کراون.