ئاوی پاک بە نیوەی دانیشتووانی عێراق ناگات

ئاڤا نیوز 

 

لە وڵاتێکدا کە دوو ڕووباری سەرەکی پێدا دەڕوات و دەوڵەمەندە بە نەوت و گازی سرووشتی، نیوەی دانیشتووانەکەی بەهۆی پیسبوونی ژینگە و ئاوی ڕووبارەکانییەوە ئاوی پاکیان پێ ناگات. 

 

وێنە گەورەکە: جیا لە وشکەساڵی و بە بیابانبوون، پیسبوونی ئاوی هەردوو ڕووباری دیجلە و فوڕات لە عێراق، ئاڵنگارییەکی دیکەی بەردەم حکومەتەکەی سوودانییە و هەڕەشەیەکی جددیە بۆ سەر دانیشتووانی عێراق کە ژمارەیان ئێستا نزیکەی 43 ملیۆن کەس دەبێت. 

 

لێدوانی فەرمی: خالد شمال، گوتەبێژی وەزارەتی سەرچاوەکانی ئاوی عێراق دەڵێت: ئەوەی سەیرە ئەوەیە کە بەشێک لە فەرمانگە حکومییەکان و کۆمپانیا ئەهلییەکان پاشەڕۆ و پیسایی دەخەنە نێو ڕووبارەکانی عێراقەوە، هەروەها زۆربەی نەخۆشخانەکان کە لە ڕووبارەکانەوە نزیکن، ئاوی پیس دەخەنە نێو ڕووبارەوە". 

گۆشەیەکی دیکەی دیمەنەکە: "بەهۆی پیسبوونی ڕووبارەکانی عێراقەوە، نیوەی دانیشتووانی عێراق ئاوی پاکیان پێ ناگات" عەلی ئەیوب، پسپۆڕ لە بواری سەرچاوەکانی ئاو لە یونسێف