تیمێکی عێراق و کوردستان بەدوای منداڵە ونبووەکانی هەڵەبجەدا دەگەڕێن

ئاڤا نیوز

ئامادەکاری بۆ کۆبوونەوە لەگەڵ باڵیۆزی ئێران لەلایەن تیمی هەرێمی کوردستان و عێراق دەستیپێکردووە، وەزیری شەهیدان و ئەنفالکراوان دەڵێت 'سبەی لەگەڵ باڵیۆزی ئێران کۆدەبینەوە'.

وێنە گەورەکە: شەوی سێشەممە 22-1-2025، شاندێک بە سەرۆکایەتیی وەزیری شەهیدان و ئەنفالکراوان سەردانی بەغدای کرد، ئامانج لە سەردانەکەش خێراکردنی پرۆسەی دۆزینەوەی منداڵە ونبووەکانی هەڵەبجەیە.

لێدوانی فەرمی: عەبدوڵڵا حاجی مەحموود، وەزیری کاروباری شەهیدان و ئەنفالکراوان، بە ئاڤا میدیای ڕاگەیاند:

- ئامادەسازی بۆ کۆبوونەوەی سبەی لەگەڵ باڵیۆزی ئێران دەکەین، بۆ ئەو مەبەستەش ئەمڕۆ لەگەڵ وەزارەتی دەرەوە کۆبوونەوە کرا و ئێوارەش لەگەڵ سەرۆکی دامەزراوەی شەهیدان گفتوگۆ دەکەین.

- وەزیری شەهیدان دەڵێت: ئێمە دەمانەوێت ڕێکارێک بۆ پەلەکردن لە چارەنووسی منداڵە ونبووەکان لە داهاتوودا بگرینەبەر.