پشکی هەرێمی کوردستان لە حەج زیاد دەکرێت

ئاڤا نیوز 

 

ڕێژەی حاجییانی عێراق بۆ ساڵی 2025 زیادکراوە، زیادکردنی ئەو ڕێژەیەش پشکی هەرێمی کودستانیش دەگرێتەوە.

 

چیرۆکی سەرەکی: پرۆسەی ئامادەکارییەکان بۆ حەجی ئەمساڵ کۆتایی هاتووە و پارەش لە حاجییان وەرگیراوە، بەپێی ژمارەی حاجییان بێت ئەمساڵ ڕێژەیان زیاترە بەراورد بە پار ساڵ، چونکە بە گشتیی ڕێژەکە بۆ عێراق و هەرێمی کوردستانیش زیاد کراوە. 

 

لێدوانی فەرمی: نەبەز ئیسماعیل، وتەبێژی وەزارتی ئەوقاف و کاروباری ئاینی هەرێمی کوردستان، بە ئاڤا میدیای ڕاگەیاند: ئەمساڵ 5121 کەس ناویان بۆ ئەنجامدانی فەریزەی حەج هاتووەتەوە، بەم پێیەش بێت ئەمساڵ 456 هاووڵاتی هەرێم بۆ پرۆسەی حەجی ئەمساڵ زیاد بووە.

 

نەبەز ئیسماعیل، دەڵێت: تێچووی گەشتی حەجی ئەمساڵ، حەوت ملیۆن دینارە لە ڕێگەی ئاسمانی، هاوکات بە ڕێگەی وشکانی پێنج ملیۆن 500 هەزار دینارە، ئەم بڕە پارەیە لەلایەن دەستەی باڵای حەجی عێراق دیاریکراوە.

 

ئەوەی پێویستە بیزانیت: وەزارەتی ئەوقاف سەرقاڵی جێبەجێکردنی ڕێکارەکانە وەکو دابینکردنی شوێن و هۆتێل بۆ مانەوەی حاجییان لە وڵاتی سعودییە.