ئاگربەستی نێوان ئیسرائیل و حیزبوڵڵا کێشەی تێدەکەوێت

ئاڤا نیوز

 

سەرۆكوەزیرانی ئیسرائیل، حیزبوڵڵا بە پێشێلكردنی ئاگربەست لە لوبنان تۆمەتبار دەكات و ئامادە نییە سەربازەكانی لەو وڵاتە بكشێنێتەوە.

 

وێنە گەورەکە: لە 27-11-2024  ڕێككەوتنامەی ئاگربەست لە نێوان ئیسرائیل و حیزبوڵڵا واژۆ کرا و بەگوێرەی ڕێككەوتنەكە؛ ئیسرائیل دەبێت لە ماوەی دوو مانگدا لە ڕۆژی ڕاگەیاندنی ئاگربەستەكەوە، هێزەكانی لە باشووری لوبنان بكشێنێتەوە.

 

لێدوانی فەرمی: بنیامین نەتانیاهۆ، سەرۆکوەزیرانی ئیسرائیل ڕایگەیاند: "حیزبوڵڵا بەتەواوی پابەندی جێبەجێكردنی ئاگربەستەكەی نۆڤێمبەر نەبووە و هێزەكانی لە ناوچەی باشووری ڕووباری لیتانی نەكشاندۆتەوە، لەبەر ئەو هۆكارەش ئامادە نین هێزەكانمان بە تەواوی لە باشووری لوبنان بكشێنینەوە."

 

ئەوەی پێویستە بیزانیت: ماوەی جێبەجێکردنی ڕێككەوتنی ئاگربەستی ئیسرائیل و حیزبوڵڵا 60 ڕۆژە، بەو پێیەش بێت؛ پێویستە ئیسرائیل سبەی 26-1-2025 تەواوی هێزەکانی لە باشوری لوبنان بکشێنێتەوە.