ئێران: لە ژێر سێبەری هەڕەشەدا گفتوگۆ لەگەڵ ئەمریکا ناکەین

ئاڤا نیوز

 

عەباس عێراقچی، وەزیری دەرەوەی ئێران لە وەڵامی قسەکانی دۆناڵد ترەمپ، ڕایگەیاند،  وڵاتەکەی هیچ جۆرە دانوستان و گفتوگۆیەک لەگەڵ واشنتن قبووڵ ناکات ئەگەر "کەشوهەوای هەڕەشە و فشار" بەردەوام بێت.  

 

وێنە گەورەکە: ئەم لێدوانە دوای ئەوە هات کە دۆناڵد ترەمپ، سەرۆکی ئەمریکا باسی لە ناردنی "کەشتیگەلی جوان" کرد بۆ ناوچەکە و داوای لە ئێران کردبوو ڕێککەوتنی لەگەڵ بکەن. ئێستا مەترسیی پێکدادانی سەربازیی لە نێوان هەردوو وڵات لە هەموو کات ئەگەر ڕوودانی زیاترە.

 

لێدوانی فەرمی: عەباس عێراقچی، وەزیری دەرەوەی ئێران دەڵێت، سیاسەتی "فشاری بە زۆر"کە ترەمپ پەیڕەوی دەکات، پێشتر تاقی کراوەتەوە و شکستی هێناوە. تاران لە ژێر هەڕەشەی سەربازیدا نایەتە سەر مێزی گفتوگۆ و بەرگری دەکات".