ئێران کەسێکی بە تۆمەتی سیخوڕی بۆ ئیسرائیل لەسێدارە دا

ئاڤا نیوز

 

دەزگای دادوەریی ئێران ڕایگەیاند، حەمیدرەزا سابەت ئیسماعیل پوور کە لە مانگی ئایاری 2025 دەستگیر کرابوو، بە تاوانی سیخوڕیکردن بۆ ئیسرائیل و مۆساد لەسێدارە دراوە.

لێدوانی فەرمی: دەسەڵاتی دادوەری ئێران دەڵێت ئیسماعیل پوور دەستی هەبووە لە ناردنی بەڵگەنامە و زانیاریی نهێنی و هاوکاری لەگەڵ ئیسرائیل بۆ تێکدانی دامەزراوە موشەکییەکانی وەزارەتی بەرگری لە ساڵی 2022ـدا.

 

ئەوەی پێویستە بیزانیت: دوای پێداچوونەوە و پشتڕاستکردنەوەی ئەو بڕیارەی کە لەلایەن دادگای باڵا دەرچووە، بەرەبەیانیی ئەمڕۆ، [28-1-2026] بڕیاری لەسێدارەدانەکە جێبەجێ کراوە.

 

ئەمەش بزانە: لە دوای شەڕ 12 ڕۆژەی نێوان ئیران و ئیسرائیلەوە، لانیکەم 12 کەس بە تۆمەتی سیخوڕیکردن بۆ ئیسرائیل لەسێدارە دراون.