بە‌غدا 958 ملیار دیناری بۆ هەرێمی کوردستان نارد

ئاڤا نیوز

 

وەزارەتی دارایی عێراق بە یەک گوژمە پارەی مووچەی مانگی یەکی مووچەخۆرانی هەرێمی کوردستانی خستە سەر هەژماری بانکی هەرێمی کوردستان و ئەمڕۆ یان سبەی لیستی مووچە بڵاودەکرێتەوە.

 

وێنە گەورەکە: ڕۆژی دووشەممە دوای پێنج ڕۆژ لە گفتوگۆ و دانوستاندن لەنێوان شاندی باڵای هەولێر و بە‌غدا، ڕێککەوتن لە بارەی مووچە و شایستە داراییەکانی مووچەخۆرانی هەرێمی کوردستان بۆ ساڵی 2025 لە نێوان هەردوو حکومەتی کوردستان و حکومەتی عێراق کرا، دواتر ئاوات شێخ جەناب وەزیری دارایی ڕایگەیاند بۆ ساڵی 2025 کێشەی مووچە کۆتایی هات و بەتەواوی چارەسەربوو.

 

لێدوانی فەرمی: پێشەوا هەورامانی، وتەبێژی حکومەتی هەرێمی کوردستان بە ئاڤا میدیای ڕاگەیاند: "وەزارەتی دارایی عێراق بڕی 958 ملیار و 12 ملیۆن دیناری خستە سەر هەژماری بانکی وەزارەتی دارایی و ئابووری هەرێمی کوردستان و لەزووترین کاتیشدا وەزارەتی دارایی دەست بە دابەشکردنی موچەی مانگی یەک دەکات."

 

لەلایەکی دیکەوە: سەرچاوەیەک لە وەزارەتی دارایی بە ئاڤای ڕایگەیاند: "ڕێکارەکانی وەرگرتن و گواستنەوەی پارەکە دەستیپێکردووە و ئەمڕۆ یان سبەی لیستی مووچەی مانگی یەکی مووچەخۆرانی هەرێمی کوردستان بڵاودەکرێتەوە، لە چەند ڕۆژێکیشدا مووچەی هەموو وەزارەتەکان دابەشدەکرێت".

 

زانیاریی زیاتر: پێشتر بڕیار وابوو پارەی مووچەی مانگی یەک بە چەند گوژمەیەک بنێردرێت بەڵام پارەکە بە یەک گوژمە و پێکەوە نێردرا، ئەو لیستەی مووچەشی پێ نێردراوە دەبێتە بنەما بۆ لیستی مووچەی هەموو مانگەکانی دیکە و بڕیاروایە مانگانە لەکاتی خۆیدا مووچە دابەشبکرێت.