لە غەززە 10 هەزار تەرم لە ژێر باڵەخانەکاندا ماون

ئاڤا نیوز

 

بەرگریی شارستانیی غەززە ڕایدەگەیێنێی،  هێشتا 10 هەزار تەرمی هاووڵاتییانی کەرتی غەززە لە ژێر داروپەردووی بینا و باڵەخانە ڕووخاوەکاندا ماون و هەوڵەکان بۆ دەرهێنانیان بەردەوامن.

 

ڕاگەیێنراوی فەرمی: بەرگریی شارستانیی لە کەرتی غەززە ڕایگەیاند: زیاتر لە 10 هەزار تەرم هێشتا لە ژێر باڵەخانەکاندا ماون، بەڵام بەهۆی نەبوونی ئامێری پێویست گەڕان بەدوای تەرمەکاندا سەختە و کاتی زۆری دەوێت تاوەکو تەرمەکان دەردەهێنرێن.

 

زانیاریی زیاتر: بەگوێرەی بەرگریی شارستانیی غەززە، سوپای ئیسرائیل کێشە بۆ هاتنە ناوەوەی سووتەمەنی و کەرەستەی فریاگوزاری بۆ ناو کەرتی غەززە دروست دەکات.

 

لەلایەکی دیکەوە: وەزارەتی تەندروستی لە کەرتی غەززە ڕایگەیاند:  بەهۆی دەرهێنانی تەرمی زیاتر لەژێر بینا ڕووخاوەکانی غەززە ژمارەی کوژراوان بۆ 47 هەزار و 552 کەس بەرزبووەتەوە، هاوکات111 هەزار و 629 کەسی دیکەش برینداربوون.

 

زیانە سەرەکییەکان: زیانەکانی کەرتی غەززە بە زیاتر لە 50  ملیار دۆلار مەزەندە دەکرێت، ئەمەش بەهۆی ئەنجامی هێرشەکانی سوپای ئیسرائیل کە بووەتە هۆی وێرانکاریەکی زۆر لە غەززە.