کتێبێک لەبارەی شەتڕەنجەوە دەخرێتە نێو پرۆگرامی خوێندن

ئاڤا نیوز

 

کتێبی "شەتڕەنجی قوتابخانە" لەسەر ستانداردی نێودەوڵەتی بۆ فێربوونی شەتڕەنج، بەپێی یاسا نێودەوڵەتییەکانی فیدراسیۆنی شەتڕەنجی جیهانی بڵاودەکرێتەوە.

 

چیرۆکی سەرەکی: سبەی سێشەممە 11-2-2025، کتێبخانەی ماڵی وەفایی، کۆڕێکی تایبەت بە گفتوگۆکردن و خستنەڕووی ناوەڕۆکی کتێبی "شەتڕەنجی قوتابخانە" کە تایبەتە بە فێربوونی یاریی شەتڕەنج بۆ هەریەک لە د. دڵزار حەمە ساڵح و کاردۆ ئاکۆ، دانەرانی کتێبەکە سازدەکات.

 

لێدوانی فەرمی: د. دڵزار حەمەساڵح بە ئاڤا میدیای ڕاگەیاند: "سەرچاوەکانی خوێندنی شەترەنج لە وڵاتە پێشکەوتووەکان و ستانداردە نێودەوڵەتییەکانمان بە ستانداردی بەڕێوەبەرایەتیی گشتیی پرۆگرام و چاپەمەنییەکانی وەزارەتی پەروەردەوە گرێداوە، زیاتر لە شەش ساڵە کتێبەکە لە پرۆگرامی زانکۆ و پەیمانگا وەرزشیەکان دەخوێنرێت".

 

ئەوەی پێویستە بیزانیت: وەزارەتی پەروەردە ڕەزامەندی داوە لە پۆلەکانی حەوت، هەشت و نۆ پرۆگرامەکە بخوێنرێت و ئێستا کتێبەکە گەیشتووەتە 150 قوتابخانەی هەولێر، وەک بەشێک لە وانەی وەرزش دەخوێنرێت.

 

مامۆستای(وەرزشی)ی ئەو قوتابخانانە یاریی شەتڕەنج دەزانن؟

 

-مامۆستاکان بەشداریان لە خولێکی تایبەت بە یاریی شەتڕەنج کردووە و بڕوانامەی باوەڕپێکراویان هەیە. 
-هەوڵدەدرێت لە داهاتوودا کتێبەکە بگەیێندرێتە هەموو ناوچەکانی هەرێمی کوردستان.

 

لەلایەکی دیکەوە: کتێبەکە وەرگێڕدراوەتە سەر زمانی عەرەبی و ئێستا لە پەرلەمانی عێراق هەوڵ دەدرێت کتێبەکە ببێت بە بەشێک لە پرۆگرامی خویندنی عێراق.