خوێندن لە قوتابخانەکانی سنووری سلێمانی دەستپێدەکاتەوە

 

ئاڤا نیوز

دوای زیاتر لە 20 ڕۆژ لە بایکۆتکردنی هۆڵەکانی خوێندن، بڕیارە لە سەرەتای هەفتەی داهاتوو بەشێک لە مامۆستایانی سلێمانی، هەڵەبجە، ڕانیە و گەرمیان بگەڕێنەوە ناوەندەکانی خوێندن.

چیرۆکی سەرەکی: لە بەشێکی قوتابخانەکانی سنووری پارێزگاکانی سلێمانی و هەڵەبجە، ئیدارەکانی گەرمیان و ڕاپەڕین دوای کۆتاییهاتنی تاقیکردنەوەی وەرزی یەکەم، بەشێک لە مامۆستایان بایکۆتی دەوامیان کرد و پرۆسەی خوێندنیان پەک خست، ئێستا دوای چارەسەرکردنی بابەتی مووچەی فەرمانبەران و ڕێککەوتنی هەولێر و بەغدا، بڕیارە بگەڕێنەوە بۆ ناوەندەکانی خوێندن.

زانیارییی بەدەستهاتوو: ئاڤا زانیویەتی، ڕۆژی یەکشەممەی داهاتوو دەوامی ئەو قوتابخانانەی کە بایکۆتیان کردبوو لە سنووری پارێزگای سلێمانی دەستپێدەکاتەوە، بەهەمان شێوە لە پەروەردەکانی دیکەی ئەو پارێزگایەش دەست بە پرۆسەی خوێندن دەکرێتەوە."

ژمارەکان وادەڵێن: تەنیا لە سنووری پارێزگای سلێمانی بەبێ هەڵەبجە و گەرمیان نزیکەی هەزار و  500 باخچە، قوتابخانە و پەیمانگە هەن، بەمشێوەیە دابەش دەبن:-

٠  باخچەی ساوایان: 180 باخچە

٠  بنەڕەتی: هەزار و 7 قوتابخانە.

٠  دواناوەندی: 27 قوتابخانە.

٠  ئامادەیی: 222 قوتابخانە

٠  فێرکردنی خێرا: 23 قوتابخانە

٠  خوێندنی پیشەیی: 16

٠ دوو کۆمەڵگەی پەروەردەیی.

٠ پێنج قوتابخانەی نەهێشتنی نەخوێندەواری.

٠ شەش پەیمانگە.