چەند ڕێکارێک بۆ هەرزانکردنی نرخی گۆشت دەگیرێنەبەر

ئاڤا نیوز

بۆ جێگیرکردنی نرخی گۆشتی سوور، یەکێتیی هاوردە و ناردنکارانی هەرێمی کوردستان بە هەماهەنگی لەگەڵ وەزارەتە پەیوەندیدارەکان، ڕێکاری پێویست بۆ ئاسانکاری هاوردەکردنی ئاژەڵ دەگرێتەبەر. 

 

وێنە گەورەکە: ماوەیەکە نرخی گۆشتی سوور لە زۆربەی وڵاتانی جیهان بە عێراق و هەرێمی کوردستانەوە بەشێوەیەکی بەرچاو بەرزبووەتەوە.

 

لێدوانی فەرمی: مستەفا عەبدولڕەحمان، سەرۆکی گشتیی یەکێتیی هاوردە و ناردنکاران بە ئاڤا نیوزی گوت: "پێشنیازمان کردووە گومرگ لەسەر هاوردەکردنی ئاژەڵ هەڵبگیرێت و ڕێگریش له‌ هه‌نارده‌كردنی ئاژه‌ڵی خۆماڵی بۆ بازاڕه‌كانی نێوه‌ڕاست و باشووری عێراق بگرێت".

 

بۆچی گرنگە: بەم بڕیارە یەکێتیی هەناردە و ناردنکاران هەوڵ دەدات نرخی گۆشتی سوور لە بازاڕەکانی هەرێمی کوردستان جێگیر بکات.