دەرهێنەرێكی گەورەی چین دوو جار خەڵات دەكرێت

ئاڤا نیوز

بڕیار وایە رۆژی یەکشەممەی داهاتوو، ژانگ پیمۆی گەورە دەرهێنەری چین لە رێوڕەسمی فیلمی ئاسیایی (AFA) دووجار خەڵات بکرێت.

چیرۆکی سەرەکی: دوای زیاتر لە 40 ساڵ بەردەوامی لە نواندن، نووسین، بەرهەمهێنان و دەرهێنانی سینەماییدا و بە دەستهێنانی چەندین خەڵاتی جیاواز، ژانگ جارێکی دیکە دوو خەڵات لە یەک رێوڕەسمدا بە دەست بهێنێت.

بۆچی گرنگە: ڕێکخەرانی فێستیڤاڵەکە دەڵێن  ئەم دوو خەڵاتە تەنیا نرخاندنی سەرکەوتنە گەورەکانی ژانگ نین، بەڵکو رێزگرتنە لە پشوو درێژیی و بەردەوامیی ناوبراو لە کاری هونەریدا.

ئەوەی پێویستە بیزانیت: ژانگ پیمۆ جگە لەم دوو خەڵاتە، لە ڕابردوودا چەند خەڵاتێکی دیکەشی بەدەستهێناوە لەوانە: 

* ساڵی 2010 براوەی خەڵاتی چوارەمین خولی پێشبرکێی فیلمە ئاسیاییەکان بووە.

* ساڵی 2021  لە پانزەهەمین خولی ئەو فیلمانەدا خەڵاتی باشترین دەرهێنەری فیلمی ئەو خولەی پێ بەخشرا  کە فیلمی (یەک چرکە) بوو.
* ماوەیەک پێش ئێستاش لە فێستیڤاڵی نێودەوڵەتی فیلمی تۆکیۆدا خەڵات کرا.

لێدوانی فەرمی:   ژانگ پیمۆ ڕایگەیاند: بڕیارم داوە لە داهاتوودا تەنیا وەکو دەرهێنەر درێژە بە کارەکانم بدەم.