فەرهاد پیرباڵ داوا دەکات کورد لە بەرخۆدان سارد نەبێتەوە

ئاڤا نیوز

د. فەرهاد پیرباڵ، نووسەر و ڕووناکبیری کورد لە گەشتی هەواڵی کولتووری ئاڤا ڕایگەیاند، عەرەبی سووریا ناهێڵن کورد بوونی هەبێت ئیتر چۆن ڕێگا دەدەن ئەدەبیاتی کوردی بمێنێت.

چیرۆکی سەرەکی: بەهۆی هێرشی چەکدارانی سوپای سووریا بۆ سەر کوردانی ڕۆژئاوا، پرۆفیسۆری کورد، دکتۆر فەرهاد پیرباڵ لە گەشتی هەواڵەکانی کولتووری ئاڤا، قسەی لەبارەی دۆخی ڕۆژئاوا کرد و وتی: "بەدڵنیاییەوە کورد لە ڕۆژئاوا سەردەکەوێت، نابێت کورد لە خەبات کردن سارد بێتەوە."

لێدوانی فەرمی: پرۆفیسۆر د. فەرهاد پیرباڵ، لە گەشتی هەواڵەکانی کولتووری ئاڤا دەڵێت: مێژوو و دیرۆکی کورد لە سووریا هەیە، عەرەب ناتوانێت دان بەوە نەنێت کە کورد و ئەدەبیاتەکەی لە ڕۆژائاوا هەیە، سەلاحەددینی ئەیوبی دیارترین نموونەیە کە خۆیان دانی پێدا دەنێن.

پیرباڵ دەشڵێت: بێگومان سەردەکەوین و بەرەو دەوڵتەبوون هەنگاو دەنێین، ئەدەبیاتی کوردی دەوڵەمەندە، پێش ئەوەی شیعرمان لە ڕۆژئاوا هەبێت، کەسایەتی ناودارمان هەیە وەکو مەلای جزیری، ئەگەرچی بەشێکی سەر بە باکووری کوردستانە، بەڵام لە ڕووی ئەدەبیاتەوە تەنیا ئەلفا بێی کوردی جیاوازە، ئەمەش بەهۆی دابەشبوونی کوردە بۆ چوار پارچە کە بەداخەوە دوژمنان کوردیان دابەش کردووە.

٠ کورد وەکو نەتەوە، ئەلف و بێی  سریانی و عەرەبی بەکارهێناوە، بەڵام دەتوانیین ئەو کێشانە چارەسەر بکەین.

٠ عەرەبی سووریا ناهێڵن کورد بمێنێت چۆن دەهێڵن ئەدەبیاتی کوردی بمێنێت.