دەستووری نوێی سووریا بۆ قۆناغی ڕاگوزەر پەسەند کرا

 

ئاڤا نیوز

سەرۆککۆماری سووریا بۆ قۆناغی ڕاگوزەر، دەستووری نوێی وڵاتەکەی بۆ قۆناغی ڕاگوزەر پەسەند کرد کە ماوەکەی پێنج ساڵە و ڕایگەیاند، ئومێدەوارە ئەم هەنگاوە دەرگای خێر و ڕێگای بوونیادنانەوە و ئاوەدانی لەسەر گەلی سووریا بکاتەوە.

وێنە گەورەکە: دوای 11 ڕۆژ لە دەستبەکاربوونی، لیژنەی نووسینەوەی دەستووری کاتی سووریا کۆتایی بە کارەکانی هێنا و دەستووریی کاتی نوسییەوە، ئەمڕۆش دەستوورە نوێیەکەی ڕادەستی سەرۆککۆماری وڵاتەکەی بۆ قۆناغی ڕاگوزەر کرد.

لێدوانی فەرمی: لە میانەی واژۆکردنی دەستووری نوێی وڵاتەکەی بۆ قۆناغی ڕاگوزەر، ئەحمەد شەرع سەرۆککۆماری سووریا بۆ قۆناغی ڕاگوزەر ڕایگەیاند، ئومێدەوارە ئەمڕۆ سەرەتای مێژوویەکی نوێ بێت بۆ سووریا کە تیایدا نەزانی بۆ زانایی و ئازار بۆ میهرەبانی بگۆڕێت.

لیژنەی نووسینەوەی دەستووری سووریاش بۆ قۆناغی ڕاگوزەر ئاشکرای کرد،  دەستوورەکە بۆ ماوەی پێنج ساڵە و نەخشەڕێگای چارەسەری هەموو کێشەکانی سووریای تێدا جێگە کراوەتەوە، ئەوەش بۆ ئەم قۆناغەی وڵات هەنگاوێکی گرنگ و بەبایەخە.