بەهۆی بۆردومانەکانی ئیسرائیل بۆ سەر کەرتی غەززە  71 کەس کوژران

 

ئاڤا نیوز

تا دێت بۆردومانەکانی ئیسرائیل بۆ سەر کەرتی غەززە بەرفراوانتر دەبن لە ماوەی 24 کاتژمێردا  71 کەس کوژراون و دەیانی دیکەش برینداربوون.

چیرۆکی سەرەکی: لە ماوەی 24 کاتژمێردا لە ئەنجامی بۆردومانە بەردەوامەکانی ئیسرائیل بۆ سەر بەیت لاهیا و باکووری کەرتی غەززە زیاتر لە 70 کەس کوژران و دەیانی دیکەش بێسەروشوێن و برینداربوون.

ڕاگەیێنراوەی فەرمی: وەزارەتی تەندروستی غەززە ڕایگەیاند: تەنیا لە بەرەبەیانی ئەمڕۆ نزیکەی 25 کەس کوژراون و دەیانی دیکەش برینداربوون.

ئەوەی پێویستە بیزانیت: بەرەبەیانی ڕۆژی سێشەممە 2025-03-18، دوای كۆتایی هاتنی ئاگربەستی غەززە، ئیسرائیل هێرشێکی بەرفراوانی بۆ سەر کەرتی غەززە دەستپێکردەوە و ڕایگەیاند تاوەکو سەرجەم بارمتەکان ئازاد نەکرێن هێرشەکانیان بۆ سەر ئەو کەرتە بەردەوام دەبن.