ناوەندی ئەمریکا: ڕۆژانە نزیکەی 670 بارهەڵگری فریاگوزاریی چوونەتە ناو غەززە

ئاڤا نیوز

چوونەژوورەی هاوکاریی مرۆییەکان یەکێکی دیکەیە لە بنەما سەرەکییەکانی ڕێککەوتنامەی غەززە، داتاکانی ناوەندی هەماهەنگی ئەمریکا ئاشكرای دەکات، لە دوای ئاگربەستی غەززەوە ڕۆژانە نزیکەی 670 بارهەڵگری فریاگوزاریی دەچنە ناو غەززە.

بڵاوکراوەی فەرمی: ڕۆژنامەی واشنتن فری بیکۆن ئاماژە بە داتاکانی ناوەندی هەماهەنگی ئەمریکا دەکات ڕایگەیاند، لە سەرەتای دەستپێکردنی ڕێککەوتنەکەوە ڕۆژانە نزیکەی 670 بارهەڵگری فریاگوزاریی دەچنە ناو غەززە، هاوکات ڕۆژانە زیاتر لە 15 هەزار باری بازرگانی و دەرمان دەچنە ناو غەززە.

زانیاریی زیاتر: سەرچاوەکە بەپشت بەستن بە بەرپرسانی ئەمریکا ئاشكرای کرد، لە 10ـی ئۆکتۆبەرەوە زیاتر لە یەک ملیۆن کەس لە کەرتی غەززە خۆراکیان وەرگرتووە.

لەلایەکی دیکەوە: بەرپرسانی ئەمریکا دەڵێن، بانگەشەکانی حەماس سەبارەت بە ڕێگریکردن لە خۆراک و پێداویستییە پزیشکییەکان لەلایەن ئیسرائیلەوە، هەوڵێکە بۆ پەردەپۆشکردنی تاڵانکردنی هاوکارییەکانە. 

ئەمەش بزانە: ناوەندی هەماهەنگی مەدەنی و سەربازی بە سەرۆکایەتیی ئەمریکا کە ئەرکی جێبەجێکردنی پلانی ئاشتی غەززەی دۆناڵد ترەمپە، لەبری ئیسرائیل سەرپەرشتی هاوکارییە مرۆییەکان دەکات بۆ غەززە دەکات.