لیژنەی باڵای بینینی مانگ بڕیار لەسەر یەكەم ڕۆژی ڕەمەزان دەدات

ئاڤا نیوز

سبەی لیژنەی باڵای بینینی مانگ لەهەرێمی كوردستان، بە هەماهەنگی لیژنە لاوەكییەكان لە پارێزگا و ئیدارە سەربەخۆكان، بڕیار لەسەر یەكەم ڕۆژی مانگی ڕەمەزان دەدەن.

ڕاگەیێنراوی فەرمی: لیژنەی باڵای بینینی مانگ ڕایگەیاند: ئێوارەی سبەی یەكشەممە 10⁄ 3⁄ 2024  كاتژمێر 5:30 ئێوارە، لیژنەی باڵای بینینی مانگ، بەهەماهەنگی لەگەڵ لیژنە لاوەكییەكان لەپارێزگاو ئیدارە سەربەخۆكانی هەرێمی كوردستان، بەمەبەستی دیاریكردنی یەكەمین ڕۆژی مانگی ڕەمەزانی پیرۆز كۆدەبێتەوە و لە چەند شوێنێكی جیاوازی كوردستان چاودێری بینینی مانگ دەكەن و لەسەر بنەماو بەڵگە شەرعییەكان بڕیار لەسەر دیاریكردنی یەكەم ڕۆژی مانگی ڕەمەزانی پیرۆز دەدات.

لەلایەكی دیكەوە: نەبەز ئیسماعیل، گوتەبێژی وەزارەتی ئەوقاف و كاروباری ئایینی هەرێمی كوردستان بە ئاڤا نیوزی گوت: سبەی یەکشەممە 10-03-2024 لە دەیان شوێنی جیاواز بەتایبەت لە سلێمانی - گڵە زەردە و دهۆک - چیای زاوا لە کاتژمێر 5:30 چاودێری بینینی مانگ دەکەین.. 

باكگراوند: پێشتر ئەنجوومەنی باڵای فەتوای میسر ڕایگەیاندبوو، بەپێی شیكارییە فەلەكناسییەكان ڕۆژی دووشەممە 11ـی ئادار یەكەم ڕۆژی مانگی ڕەمەزان دەبێت و مانگ دەبینرێت.