وەزارەتی ئەوقاف بۆ میدیاکان: پیرۆزی مانگی ڕەمەزان بپارێزن

ئاڤا نیوز

 

وەزارەتی ئەوقاف چەند ڕێنماییەکی بۆ مانگی ڕەمەزان بڵاوکردەوە و داوا لە چێشتخانە، کافتریا، دووکانداران دەکات، هەستی ڕۆژووانان بپارێزن.

 

چیرۆکی سەرەکی: پێش ئەوەی لیژنەی بینینی مانگ، یەکەم ڕۆژی مانگی ڕەمەزان دیاری بکات، چەند ڕێنماییەکی تایبەت بەو مانگە بڵاوکرایەوە و تیمەکانی پارێزگا و ئیدارە سەربەخۆکان، بەدواداچوون بۆ جێبەجێکردنی ئەم ڕێنماییانە دەکەن.

 

ڕاگەیێنراوی فەرمی:

-       "داوا لە چێشتخانە، کافتریا، دووکان و بازارەکان دەکەین حورمەتی مانگەکە بگرن و هەستی ڕۆژووانان بپارێزن.

 

-       پێویستە کەناڵەکانی ڕاگەیاندن، تایبەتمەندی ئەم مانگە پیرۆزە لەبەر چاو بگرن و بابەتێک بڵاونەکەنەوە کە لەگەڵ پیرۆزی ئەو مانگە نەگونجێت.

 

-       لە مانگی ڕەمەزانیشدا هیچ خواردن و خواردنەوەیەک لە دامودەزگە فەرمییەکان پێشکەش ناکرێت.

 

-       جگە لە پێشنوێژ و گوتارخوێنی مزگەوتەکان، هیچ کەسێکی دیکە بۆی نییە تەراویح بکات".

 

زانیاریی زیاتر: ئەو ڕێنماییە شەرعی و کارگێڕییانە ئاراستەی هەریەک لە بەڕێوبەرایەتییەکانی هەولێر، سلێمانی، دهۆک، گەرمیان و هەڵەبجە کراوە.