ئاو و ئاوەڕۆی کوردستان: وادەی داشکاندن لە قەرزی ئاو درێژ ناکرێتەوە

ئاڤا نیوز

 

وادەی داشکاندنی قەرزی ئاو لە هەرێمی کوردستان کۆتاییهات و زیاتر لە نۆ ملیار دیناریش لێخۆشبوون بۆ هاوبەشان کرا.

 

چیرۆکی سەرەکی: پرۆسەی داشکاندنی ڕێژەی %15 لە قەرزی ئاو پێنج قۆناغ بوو، ئەمڕۆ وادەی دوایین قۆناغ کۆتاییهات و ئیدی درێژ ناکرێتەوە.

 

لێدوانی فەرمی: "لە پێنج قۆناغی داشکاندنی قەرزی ئاو، زیاتر لە 319 هەزار هاوبەش سوودمەند بوون؛ لە دوایین قۆناغیشدا زیاتر لە 30 هەزار هاوبەش سوودمەند بوون کە بڕی 902 ملیۆن دینار لێخۆشبوونیان بۆ کراوە". ئاری ئەحمەد، بەڕێوەبەری گشتیی ئاو و ئاوەڕۆی هەرێمی کوردستان بە ئاڤا نیوزی گوت.

 

زانیاریی زیاتر: لە سنووری هەر 14 بەڕێوەبەرایەتییەکەی هەرێمی کوردستان، ملیۆنێک و 590 هەزار هاوبەشی ئاو تۆمارکراون، لەو رێژەیە 87%ـیان پێوەری ئاویان بەستووە و سەرووی %35ـشیان لە داشکاندنەکە سوودمەند بوون.