بابەشێخ نەخۆش دەكەوێت و بەپەلە دەگەیێندرێتە نەخۆشخانە

ئاڤا نیوز

 

شێخ عەلی شێخ ئیلیاس، بابەشێخی ئێزدییان، نەخۆش دەکەوێت و بەپەلە دەگەیێندرێتە نەخۆشخانەیەکی شاری دهۆک.

 

چیرۆکی سەرەکی: میدیای فەرمی ئێزدییەکان لە سەرچاوەیەکی نێو نەخۆشخانەی ڤین لە شاری دهۆک بڵاویکردەوە، درەنگانی بابەشێخ، شەوی ڕابردوو بەپەلە گەیێندراوەتە نەخۆشخانە ئەوەش دوای ئەوەی دووچاری لێدانی دوو جەڵتە بووەتەوە.

 

لێدوانی فەرمى: سەعید جردو، سەرۆکی بنکەی ڕۆشنبیری و کۆمەڵایەتیی لالش لە دهۆک بە ئاڤا میدیای ڕاگەیاند: شەوی ڕابردوو بەهۆی لێدانی جەڵتە دۆخی تەندروستی بابەشێخ تێکچوو، ئێستاش لە نەخۆشخانە لەژێر چاودێری پزیشکیدایە.

 

ئەوەی پێویستە بیزانیت: دەسەڵاتی بەڕێوەبردن لەنێو ئێزدییاندا بریتییە لە ئەنجومەنی ڕۆحانیی ئێزدی و سەرۆک، کە له‌ میر و چەندین پیاوی ئایینی پێک دێن، لەوەتەی 14-11-2020ـەوە، شێخ عەلی ئیلیاس وەکو بابەشێخ، لەلایەن میری ئێزدییان و جڤاتی ڕووحانی کوردانی ئێزدی، دەستنیشانکراوە.

 

باکگراوند: شێخ عەلی ئیلیاس لەدایکبووی ساڵی 1979ـی شارۆچکەی شێخانە، باوکی لە ساڵانی 1978 تاوەکو 1995، سەرکردەی ڕۆحی ئێزدییەکان بووە. لەوەتەی 14ـی تشرینی دووەمی 2020ـەوە لەلایەن میری ئێزدییانەوە، وەکو بابە شێخ دەستنیشانکراوە.