ئەنجوومەنی پارێزگای کەرکووک 16 ئۆتۆمبێل بە پارەی پترۆدۆلار دەکڕێت

ئاڤا نیوز

ئەندامانی ئەنجوومەنی پارێزگای کەرکووک 16 ئۆتۆمبێلی تاهۆی مۆدێل 2024یان بۆ کڕدراون، هەشتیان دابەشکراون، بەڵام هەشت ئۆتۆمبێلەکەی دیکە دیار نین.

ئەوەی پێویستە بیزانیت: ئۆتۆمبێلەکان دراون بەو  ئەندامانەی ئەنجوومەنی پارێزگای کەرکووک کە لە ناو کۆبوونەوەکانی ئەنجوومەن ئامادەییان هەبووە.

ئەمەش بزانە: ئۆتۆمبێلەکان بۆ قاسم ئیبراهیم حافز، یاریدەدەری پارێزگاری کەرکووک و برای محەمەد حافز، سەرۆکی ئەنجوومەنی پارێزگای کەرکووک بە پارەی پترۆ دۆلار کڕدراون.

زانیاریی زیاتر: پارەی ئەو پترۆ دۆلارە بۆ سەوزکردن و ژینگەی شارەکە دەبێ خەرج بکرێت.

زانیاریی پەیامنێر: ڕۆکان جاف، پەیامنێری ئاڤا لە کەرکووک بەدواداچوونی کردووە و دەڵێت، کڕینی ئەو ئۆتۆمبێلانە بە پارەی پترۆ دۆلار نادەستوورییە. ئۆتۆمبێڵەکانیش هەشتیان دیار نین و لە حەوشەی ئەنجوومەنیش نابینرێن، کەس نازانێ لە کوێن.