تیمێکی کوردستان بۆ ڕزگارکردنی هاووڵاتیان ڕاهێنان لەسەر ژیریی دەستکرد دەکەن

ئاڤا نیوز

 

تیمێكی وەزارەتی ناوخۆی هەرێمی كوردستان لە وڵاتی پۆڵەندا بەشداری لە خولێكی نێودەوڵەتی دەكەن، بەمەبەستی شارەزاكردنیان لە بەكارهێنانی ژیریی دەستكرد بۆ ڕزگاركردنی هاووڵاتییان و وەڵامدانەوەی خێرای كارەساتەكان.

چیرۆكی سەرەكی: لەچوارچێوەی پرۆژەی هاوبەشیی نێوان وەزارەتی ناوخۆی ئەڵمانیا/ ئاژانسی فیدڕاڵیی ئەڵمانی بۆ هاوکاریی تەکنیکی 'THW'، و ناوەندی هاوبەشی هەماهەنگیی قەیرانەکان لە وەزارەتی ناوخۆی حکومەتی هەرێمی کوردستان، لە سەرەتای ئەم مانگەوە، تیمێکی بەڕێوبەرایەتیی گشتیی بەرگریی شارستانی لە وەزارەتی ناوخۆ، تاقیکردنەوەیەکی چوار ڕۆژی بۆ دۆزینەوەی باشترین ڕێگای نوێ بۆ ڕزگارکردنی هاووڵاتییان و تیمەکانی وەڵامدانەوە لە کاتی کارەساتەکان و بەکارهێنانی تەکنەلۆژیا و ژیریی دەستکرد بەشدار بوون، كە لەوڵاتی پۆڵەندا بەڕێوەچوو.

 

ڕاگەیێنراوی فەرمی: حكومەتی هەرێمی كوردستان بڵاویكردووەتەوە، لە ڕاهێنانەکەدا چەندین تیمی نێودەوڵەتی بەشدار بوون کە تێیدا بەپێی ستانداردە نێودەوڵەتییە سەردەمییەكان و ئامێرە تەکنەلۆژییە پێشکەوتووەکان، ڕاهێنان لەسەر بەهێزکردنی بەرگریی شارستانی و تواناکان بۆ ڕزگارکردنی خەڵک لە کاتی ڕووداو و قەیرانەکان کرا.