ئەندامێکی شاندی دانوستاندنکاری پارتی بۆ ئاڤا: هێشتا کاندیدەکانمان یەکلایی نەکردووەنەتەوە

ئاڤا نیوز

 

پێکهێنانی کابینەی دەیەم لە قۆناغی کۆتاییدایە، پارتی و یەکێتیش لە دانووستاندنەکانیان بەردەوامن بۆ ئەوەی هەرچی زووە حکومەتی نوێ پێکبهێنن.

 

وێنە گەورەکە: نزیکەی 4 مانگ دەبێت شاندە تەکنیکی و باڵاکانی پارتی و یەکێتی لە دانوستاندنەکان بەردەوامن بۆ پێکهێنانی حکومەتی نوێ، تائێستا سەدا 90ـی کارەکان بۆ زوو پێکهێنانی حکومەتی نوێ تەواوکراون، تەنها سەدای 10ی کارەکان ماوە ئەویش دابەشکردن و یەکلاییکردنەوە پۆستەکانە لە نێوان خۆیاندا.

 

لێدوانى فەرمى: پشتیوان سادق، ئەندامی شاندی دانوستاندنکاری پارتی بۆ پێکهێنانی حکومەتی نوێ بە هیشام سەعید پەیامنێری ئاڤا میدیای ڕاگەیاند: هێشتا کاندیدمان بۆ پۆستەکانی حکومەتی نوێ یەکلایی نەکردۆتەوە و وادەی کۆبوونەوەی داهاتووی نێوان پارتی و یەکێتیش جارێ دیار نییە.

 

زانیاریی زیاتر: ئەندامەکەی شاندی پارتی ووتیشی، "پشتیوان بەخودا هەوڵدەدەین زوو حکومەتی نوێ پێکبهێنین".