ئەنجوومەنی وەزیران بڕیار لەسەر نرخی کارەبای 24 کاتژمێری دەدات

ئاڤا نیوز

 

ئەنجوومەنی وەزیرانی کوردستان تاوتوێی نرخی کارەبای 24 کاتژمێری 'پرۆژەی ڕووناکی' دەکات.

 

وێنە گەورەکە: کارەبای 24 کاتژمێری پڕۆژەیەکی ستراتیژی کابینەی نۆیەمی حکومەتی هەرێمی کوردستانە، پرۆژەکە لە بەشێکی شارەکانی هەولێر و سلێمانی و دهۆک جێبەجێ کراوە، بڕیاریشە تا کۆتایی ساڵی 2026 کارەبای 24 کاتژمێری بگاتە سەرجەم شار و شارۆچکەکانی هەرێمی کوردستان.

 

زانیاریی ئاڤا: ئاڤا میدیا زانیویەتی لە کۆبوونەوەی داهاتوی ئەنجوومەنی وەزیرانی کوردستان، کە بە سەرپەرشتیی سەرۆکوەزیران مەسرور بارزانی بەڕێوەدەچێت، تاوتوێی نرخی کارەبای 24 کاتژمێری دەکرێت، دوای پەسەندکردنیشی بڕیار لەسەر نرخی کارەباکە دەدرێت. 

 

زانیاریی زیاتر: لە ئەنجوومەنی وەزیران هەڵسەنگاندن بۆ نرخی هەر کیلۆواتێک دەکرێت، هاوکات بەجۆرێک پەسەند دەکرێت لەگەڵ گوزەران و ژیانی هاووڵاتیان بگونجێت.

 

ئەمەش بزانە: تیمێکی وەزارەتی کارەبا پێشنیازێکیان بۆ دیاریکردنی نرخی کارەبای پرۆژەی ڕووناکی ئامادە کردووە و ڕەوانەی ئەنجوومەنی وەزیران کراوە.