ساڵیادی ڕاپەڕینی هەولێر؛ دەیان چیرۆکی ئازایەتی و نەبەردی

ئاڤا نیوز

 

33 ساڵ بەسەر ڕاپەڕینی شاری هەولێر تێپەڕی و لە ڕاپەڕینەکەشدا دەیان چیرۆکی ئازایەتی و نەبەردی تۆمار کراون.

 

ئەوەی پێویستە بیزانیت: بەهرام جەمیل حەسەن، لە دەستپێکی ڕاپەڕینی هەولێر وەک یەکەم هەنگاو دەچێتە لای نزیکترین بنکەی 'ئەمن' لەو قوتابخانەیەی کە خۆی تێدا مامۆستا بووە و کەوتووەتە بەر دەستڕێژی گوللە و شەهید بووە، بەمەش دەبێتە یەکەم شەهیدی ئازادکردنی هەولێر. 

 

لەلایەکی دیکەوە: یەکێکی دیکە لەو شەهیدانە قادر ئەحمەد ئیسماعیل ناسراو بە قادر گۆرانە کە لە بەرەبەیانی 11ـی ئاداری ساڵی 1991، لەنێو کۆڵانەکانی کۆمەڵگەی شاوێس بانگەوازی ڕاپەڕین دەکات و خۆی دەگەیێنێتە ڕیزی پێشەوەی  خەڵکی ڕاپەڕیوی شاری هەولێر، بەڵام شەهید دەکرێت.