بۆ پۆستی سەرۆکایەتیی پەرلەمانی عێراق موسەننا سامەڕایی نزیکترینە

ئاڤا نیوز

ئەنجوومەنی سیاسیی نیشتمانی، کە لایەنە سوننییە براوەکانی هەڵبژاردنەکانی لەخۆدەگرێت، دوێنێ یەکشەممە لە ماڵی موسەننا سامەڕائی کۆبوونەوە، بە گوتەی سەرچاوەیەک "نزیکەی کۆدەنگییەک هەیە لەسەر هەڵبژاردنی موسەننا سامەڕایی"، بەو پێیەی "هەڵوێستەکانی جێگیر و مامناوەندە لە مامەڵە حیزبی و سیاسییەکانیدا".

چیرۆکی سەرەکی: ئەنجوومەنی سیاسیی نیشتمانی ڕۆژی یەکشەممە بە ئامادەبوونی سەرکردەی پارت و هاوپەیمانییەکانی پێکهێنەری ئەنجوومەنەکە، لە نووسینگەی موسەننا سامەڕایی، سەرۆکی هاوپەیمانی عەزم لە بەغدا، کۆبوونەوە.

زانیاریی بەدەستهاتوو: سەرچاوەیەکی ئاگادار لە هاوپەیمانی عەزم ڕایگەیاند، کۆبوونەوەکە تاوتوێی هەموو وردەکارییەکانی دیاریکردنی سەرۆکی داهاتووی پەرلەمانی کردووە، بە شێوەیەک کە لەگەڵ ڕێکارە ڕێککەوتووەکان لەگەڵ هاوبەشەکاندا بگونجێت.

زانیاریی زیاتر: ژمارەی کاندیدەکانی پۆستەکە لە شەشەوە بۆ سێ کاندید کەم بوونەتەوە، سەرچاوەکە ئاماژەی بەوەشدا کە "نزیکەی کۆدەنگییەک هەیە لەسەر هەڵبژاردنی موسەننا سامەڕایی"، بەو پێیەی "هەڵوێستەکانی جێگیر و مامناوەندە لە مامەڵە حیزبی و سیاسییەکانیدا".

لەلایەکی دیکەوە: سەرچاوەیەک لە هاوپەیمانی تەقەدوم ڕایگەیاند، محەممەد حەلبووسی، سەرۆکی پارتی تەقەدوم، ناوی خۆی وەک کاندید بۆ پۆستەکە خستووەتەڕوو، هاوشانی موسەننا سامەڕایی، سەرۆکی هاوپەیمانی عەزم و سابت محەممەد عەباسی، وەزیری بەرگری. چاوەڕوان دەکرێت ئەنجوومەنەکە دوای 10 ڕۆژ کاندیدەکەی پێشکەش بکات.

باکگراوند: دادگای باڵای فیدراڵیی عێراق ڕۆژی یەکشەممە ئەنجامە کۆتاییەکانی هەڵبژاردنەکانی ئەنجوومەنی نوێنەرانی پەسەند کرد. دەستووری عێراق وادەیەکی دیاریکردووە بۆ پێکهێنانی دامەزراوەکان دوای پەسەندکردنی ئەنجامەکان.