هاووڵاتییەکی دهۆک بە گریانەوە 2500 دۆلار بۆ هەڵمەتی ئاڤا دەهێنێت

ئاڤا نیوز

هاووڵاتییەکی شاری دهۆک بە گریانەوە 2500 دۆلار بۆ هەڵمەتی کۆکردنەوەی هاوکاری بۆ لێقەوماوانی چەمچەماڵ دەهێنێت و ئامادەنەبوو ناوی خۆی ئاشکرا بکات. 

چیرۆکی سەرەکی: ماوەی دوو ڕۆژە ئاڤا میدیا هەڵمەتێکی گەورە و فراوانی بۆ کۆکردنەوەی هاوکاری بۆ زیانلێکەوتووانی چەمچەماڵ و شۆڕش و تەکیە دەستپێکردووە، سەدان هاووڵاتی شاری هەولێر و دەورووبەری بەهێنانی هاوکاری و ناردنی پارە بۆ ئۆفیسی سەرەکی ئاڤا بەشدارییان کردووە. 

زانیاریی زیاتر: پەروین شەرەفخان، پێشکەشکاری ئاڤا ڕایگەیاند: دوای نیوەڕۆی ئەمڕۆ هاووڵاتییەکی شاری دهۆک بۆ گەیاندنی هاوکاری بە لێقەوماوانی شاری چەمچەماڵ، سەردانی ئۆفیسی دهۆکی کردووە 2500 دۆلاری بە چاوی گریانەوە هێناوە، هەرچەند داوامان لێکردووە ناوی خۆی بڵێت ئامادەنەبووە و ڕاستەوخۆ ڕۆیشتووە.