سەرۆکوەزیران مەسرور بارزانی بودجە بۆ نۆژەنکردنەوەی 11 قوتابخانەی سنووری چەمچەماڵ تەرخان دەکات

ئاڤا نیوز

وەزیری پەروەردەی حکومەتی هەرێمی کوردستان ڕایگەیاند: لەسەر ڕاسپاردەی سەرۆکوەزیران مەسرور بارزانی لە دوو ڕۆژی داهاتوودا بوجەی پێویست بۆ نۆژەکردنەوەی 11 قوتابخانەی سنووری چەمچەماڵ، ڕەوانەی بەڕێوەبەرایەتیی پەروەردەی سلێمانی دەکرێت و چاوەڕوانی خەمڵاندنی زیانەکانین. 

وێنە گەورەکە: بەهۆی لافاوە بەهێزەی سنووری چەمچەماڵ، تەکیە و شۆڕش 11 قوتابخانە زیانیان بەرکەوتووە و خوێندندیش لە سەرتاسەری ئەو ناوچەیە ڕاگیراوە، لەسەر ڕاسپاردەی سەرۆکوەزیرانی هەرێمی کوردستان ئەو قوتابخانانە دووبارە نۆژەن دەکرێنەوە.

لێدوانی فەرمی: د. ئالان حەمەسەعید، لە پەیوەندییەکی تەلەفۆنیدا لەگەڵ ڕۆژان عەبدولڕەحمان، پێشکەشکاری ئاڤا میدیا ڕایگەیاند: سەرۆکوەزیران مەسرور بارزانی، بودجەی پێویستی بۆ نۆژەنکردنەوەی 11 قوتابخانەی سنووری چەمچەماڵ دابین کردووە و چاوەڕوانی دەرخستەی بەڕێوەبەرایەتیی پەروەردەی سلێمانین بۆ خەمڵاندنی زیانەکان. 

- هاوکات لەبارەی دابینکردنی پێداویستی خوێندن بۆ قوتابییانی زیانلێکەوتوو گوتی، لەڕێگەی میکانیزمێکەوە پەرتووکی خوێندن لە کۆگاکانمانەوە ڕەوانەی چەمچەماڵ و شۆڕش و تەکیە دەکەین. 


لەلایەکی دیکەوە: وەزیری پەروەردەی هەرێمی کوردستان ڕایگەیاند: پشتیوانی لەو هەڵمەتە میدیاییەی ئاڤا میدیا دەکەم کە ماوەی دوو ڕۆژە دەستیپێکردووە، ئاڤا سەلماندی کە لە کەناڵێکی ڕاگەیاندن زۆر گەورەترە. 

- بەشداریی لەو هەڵمەتە دەکەم و هاوکاری خێزانێکی لێقەوماو دەکەم، سەرجەم پێداویستییەکانی ناوماڵ و کرێی خانوویان بۆ دابین دەکەم، هاوکات تێچووی دووبارە ناردنەوەی خوێندنی دوو کچەکەشیان لە ئەستۆ دەگرم کە بەهۆی نەبوونییەوە دابڕابوون لە خوێندن.


نوێ دەکرێتەوە...