خێزانێکی تەکیە لە ڕێگەی هەڵمەتی ئاڤا میدیاوە خانوویان بۆ نۆژەن دەکرێتەوە

ئاڤا نیوز

خێزانێکی تەکیە کە بەهۆی دروستبوونی لافاوە خانووەکەیان تووشی زیانی گەورەبووە، لە ڕێگەی هەڵمەتی ئاڤا میدیاوە خانووەکەیان بۆ نۆژەن دەکرێتەوە. 

چیرۆکی سەرەکی: ماوەی دوو ڕۆژە ئاڤا میدیا هەڵمەتێکی فراوانی بۆ کۆکردنەوەی هاوکاری بۆ لێقەوماوانی سنووری قەزای چەمچەماڵ، ناحیەکانی شۆڕش و تەکیە دەستپێکردووە، لەو چوارچێوەیەدا زیاتر لە یەک ملیار دینار و 15 بارهەڵگر پێداویستی سەرەتای کۆکراوەتەوە. 

زانیاریی زیاتر: ژوان قەرەداغی، نێردراوی ئاڤا، ئێوارەی ڕۆژی شەممە سەردانی خێزانێکی ناحیەی تەکیەی کرد کە خانووەکەیان ڕووبەڕووی زیانێکی گەورە بووەتەوە، دوای نیشاندانی دیمەنەکە و گەیاندنی دەنگی ئەو خێزانە، ئێوارەی ڕۆژی شەممە لە گەشتی هەواڵەکانی کاتژمێر حەوتی ئاڤا موژەیەکی خۆشیان پێ ڕاگەیێنرا. 

ئەوەی پێویستە بیزانیت: هەوراز گوڵپی، پێشکەشکاری ئاڤا ڕایگەیاند: لەو هاوکارییە داراییەی بۆ ئاڤا میدیا هاتووە، خانووی ئەو خێزانەی تەکیە نۆژەندەکرێتەوە و هەموو پێداویستییە سەرەتاییەکانیشی لەگەڵ دابین دەکەین. 

پەیوەست بەم بابەتەوە: هەژان هێرش، پێشکەشکاری خۆری ئاڤا ڕایگەیاند: بە هاوکاری دەزگای خێرخوازی حاجی ئیدریس سوورچی، خانوو بۆ سێ خێزانی چەمچەماڵ نۆژەندەکرێتەوە.